“MBA dasturi menga haqiqiy qiziqishim nima ekanini tushunishga yordam berdi.”
2020-yil bitiruvchisi Ibrokhimkhon Akhmadkhonov
MBA, ’20
Webster Tashkent’ning MBA va MA TESL dasturlarini tamomlagan 250 dan ortiq bitiruvchisi bor. Ulardan bir nechtasini tanishtirishdan mamnunmiz.
Bitiruvchilar muvaffaqiyati
Webster Tashkent bitiruvchilari bilan tanishing
Akhmadkhonov hikoyasining davomi
“Koʻpchilik MBAni ish joyi yoki lavozimini, ayniqsa rahbarlik lavozimini oʻzgartirish uchun tanlaydi. Boshqalardan farqli oʻlaroq, menda Webster universitetida loyihalarni boshqarish yoʻnalishi boʻyicha MBAda oʻqish uchun uchta aniq maqsad bor edi. Birinchidan, bu meni qulaylik zonasidan chiqishga undagan motivatsiyam edi. Men biznesdagi soʻnggi tendensiyalarni, eng yangi boshqaruv vositalari va usullarini oʻrganib, oʻz jamoam va hamkorlikni yaxshilash uchun oʻzimni sinab koʻrmoqchi edim. Ikkinchidan, bu keng biznes tarmogʻiga kirishning eng yaxshi imkoniyati edi. Men kursdoshlarim, professorlar va oʻqituvchilar bilan muloqot qildim. Bu loyihalarni boshqarish boʻyicha imkoniyatlarimni kengaytirishga yordam berdi. Uchinchidan, buxgalteriya va audit sohalarida yetarli tajribaga ega boʻlgan holda, yetakchilik koʻnikmalarimni rivojlantirishim kerak edi. Webster universitetidan juda minnatdorman, chunki u menga oʻzimga boʻlgan ishonchni va omma oldida nutq soʻzlash koʻnikmalarimni mustahkamlashga yordam berdi.
“Dasturning eng muhim natijasi — real hayotda qoʻllay oladigan koʻnikma va amaliy bilimlar. Men muammo va masalalarga turli tomondan qarashni oʻrgandim. Zamonaviy dunyo bizdan soft skills va hard skillsni teng darajada qoʻllashni talab qiladi. Ilgari ishimda murakkab hisob-kitoblar va hisobotlar bilan koʻproq texnik jihatdan shugʻullanardim. Endi bu jarayonlarni qanday soddalashtirish va tizimli asosga oʻtkazish imkoniyatlarini koʻryapman.
“MBA bitiruvchisi sifatida aytishim mumkinki, MBA dasturi menga haqiqiy qiziqishim nima ekanini tushunishga yordam berdi. U meni yangi qadamlar va sinovlarga tayyorladi. Bu dastur qilayotgan ishingizda muvaffaqiyatga erishish uchun katta ishtiyoq bagʻishlaydi.”
“MBAda olgan bilimlarim har qanday sohada eng ‘ogʻriqli’ nuqtalarni topish zarurligini tushunishga yordam berdi.”
2020-yil bitiruvchisi Tursunoy Usmonova
MBA, ’20
Usmonova hikoyasining davomi
“Bakalavr darajam kompyuter dasturlash boʻyicha boʻlishiga qaramay, biznes va boshqaruv sohasi meni doimo qiziqtirgan. Jim Kollinzning “Yaxshidan buyuklikka” kitobini oʻqiganimdan soʻng, men top-menejer boʻlishim kerakligini angladim. Webster universitetidagi MBA dasturi haqida bilganimda, ikkilanmasdan ariza topshirdim.
“Menda doimo oʻz biznesimni boshlash istagi bor edi, lekin qaysi sohada ekanini bilmasdim. MBAda olgan bilimlarim har qanday sohada eng “ogʻriqli” nuqtalarni topish zarurligini tushunishga yordam berdi. Natijada karantin davrida men T&T Progress nomli ingliz tilini oʻrgatuvchi onlayn maktab — oʻz startap loyihamni yaratdim. Bu soha deyarli boʻsh ekan. Qisqa vaqt ichida biz sodiq mijozlarga ega boʻldik.
“MBA tufayli men oʻqishning eng muhim qismi — tanishlar doirasi va ijtimoiy muhit ekanini angladim. Kursdoshlarim bilan yaqin doʻst boʻlib qoldik, hamon bir-birimizga yangiliklarimizni aytamiz va birimiz muvaffaqiyatga erishsak, faxrlanamiz.”